Table of Contents
⚠️ කාලගුණ පුවත්: ප්‍රදේශ කිහිපයකට මි.මී 100ට ඉක්මවූ වැසි
උතුරු, බස්නාහිර සහ වයඹ පළාත්වලත් ගාල්ල, මාතර, පොළොන්නරුව සහ ත්‍රිකුණාමලය දිස්ත්‍රික්කවලත් ඇතැම් ස්ථානවලට මිලිමීටර් 100 ඉක්මවූ තද වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි.
බස්නාහිර, දකුණ, මධ්‍යම, සබරගමුව, වයඹ සහ උතුරු පළාත්වලත් අනුරාධපුර දිස්ත්‍රික්කයේත් විටින් විට වැසි හෝ ගිගුරුම් සහිත වැසි ඇති වේ.
දිවයිනේ සෙසු ප්‍රදේශවල පස්වරු 1.00න් පසුව වැසි හෝ ගිගුරුම් සහිත වැසි ඇති විය හැකි බව ද එම දෙපාර්තමේන්තුව සඳහන් කරයි.
යේමනයේ ජනාධිපති මන්දිරයට මිසයිල ප්‍රහාරයක්
යේමනයේ ඒඩන් නගරයේ පිහිටා ඇති ජනාධිපති මන්දිරය ඉලක්ක කර ගනිමින් හූති කැරලිකරුවන් එල්ල කළ මිසයිල ප්‍රහාරයකින් පුද්ගලයින් පස් දෙනෙකු ජීවිතක්ෂයට පත්ව තිබේ.
මෙම ප්‍රහාරයෙන් තවත් පුද්ගලයින් 16 දෙනෙකු තුවාල ලබා ඇති බව විදෙස් වාර්තා තහවුරු කරයි.
ආරුගම්බේ ආසියාවේ ආකර්ෂණීයම සහ හොඳම වෙරළ තීරය වෙයි
2026 වර්ෂය සඳහා ‘කොන්ඩේනාස්ට් ට්‍රැවලර් රීඩර්ස්’ ආයතනය විසින් ප්‍රකාශයට පත් කරන ලද නවතම සමීක්ෂණ වාර්තාවට අනුව ආරුගම්බේ වෙරළ තීරය පෙරමුණ ගෙන ඇති බව වාර්තා වෙයි.
සර්ෆින් ක්‍රීඩාව සඳහා ලොව ප්‍රසිද්ධම ගමනාන්තයක් වීම ආරුගම්බේ වෙරළ තීරය ආකර්ෂණීයම වෙරළ තීරය ලෙස ප්‍රකාශයට පත් කිරීමට ප්‍රධාන හේතුව වී ඇති බව වාර්තා වෙයි.
ශ්‍රී ලංකාව නව වැඩසටහනක් ඉල්ලුවොත් සහාය දෙන්න IMF සූදානම්
ජාත්‍යන්තර මූල්‍ය අරමුදල සෑම විටම ශ්‍රී ලංකාව වෙනුවෙන් කැපවූ විශ්වාසවන්ත සහකරුවෙකු ලෙස ඉදිරියටත් රැඳී සිටින බව ජාත්‍යන්තර මූල්‍ය අරමුදලේ ආසියා පැසිෆික් දෙපාර්තමේන්තුවේ නියෝජ්‍ය අංශ ප්‍රධානී සොනාලි ජේන්-චන්ද්‍රා මහත්මිය අවධාරණය කරයි.
දේශීය ආදායම් බදු දෙපාර්තමේන්තුවෙන් විශේෂ නිවේදනයක්
ආදායම් බදු සඳහා ලියාපදිංචි වූ තැනැත්තන් 2025, 2026 තක්සේරු වර්ෂය සඳහා නොවැම්බර් 30 වන දිනට පෙර ආදායම් බදු වාර්තා ලබාදිය යුතු බව දේශීය ආදායම් දෙපාර්තමේන්තුව පවසයි.
ඉරාන ප්‍රහාර හමුවේ පර්සියානු ගල්ෆ් කලාපයේ ප්‍රධාන යටිතල පහසුකම් රැසකට හානි
එක්සත් අරාබි එමීර් රාජ්‍යය විසින් හෝමුස් සමුද්‍ර සන්ධිය හරහා ක්‍රියාත්මක ඉරාන නෞකා අවහිරතාව මගහැරීම සඳහා භාවිත කළ ප්‍රධාන තෙල් පිරිපහදුවක් සහ තෙල් වරායක් වන ‘ෆුජයිරා’ (Fujairah) තෙල් සංකීර්ණයේ ඉන්ධන ටැංකි වෙත ප්‍රහාර එල්ල වී ඇතැයි විදෙස් මාධ්‍ය වාර්තා කරනවා.
තෙල් මිල පාලනයට හදිසි සංචිතයෙන් ඩීසල් බැරල් මිලියන 20ක් මුදා හැරීමට ජාත්‍යන්තර බලශක්ති ඒජන්සියේ තීරණයක්
ඉහළ යන මිල ගණන් පාලනය කිරීම සඳහා, ඩීසල් බැරල් මිලියන 20 කට අධික ප්‍රමාණයක් සහ ඉතිරිව ඇති හදිසි තෙල් සංචිත මුදා හැරීමට ජාත්‍යන්තර බලශක්ති ඒජන්සිය එකඟත්වය පලකර ඇතැයි විදෙස් මාධ්‍ය වාර්තා කරනවා.
පෝට් සිටි ඉඩම් වර්ග මීටරයක් ඩොලර් 3,000කට අවුරුදු 99කට බදු දෙයි
කොළඹ වරාය නගරයේ (Port City) මූලෝපායික වැදගත්කමක් සහිත ව්‍යාපාර (BSI) සඳහා ලබා දී ඇති අනුමැතීන්, ඉදිරි ආයෝජන සැලසුම් සහ මහල් නිවාස සංකීර්ණ ව්‍යාපෘතිවල වත්මන් තත්ත්වය පිළිබඳව රජයේ මුදල් පිළිබඳ කාරක සභාවේදී දීර්ඝ වශයෙන් සාකච්ඡා වී තිබෙනවා.
පාර්ලිමේන්තු මන්ත්‍රී ආචාර්ය හර්ෂ ද සිල්වාගේ සභාපතිත්වයෙන් පසුගියදා පාර්ලිමේන්තුවේදී රැස් වූ කාරක සභාව හමුවේ, කොළඹ වරාය නගර ආර්ථික කොමිෂන් සභාවේ ආයෝජන ප්‍රවර්ධන කටයුතු, විදේශීය ආයෝජන නියාමනය සහ අදාළ නීතිමය හා පරිපාලනමය කරුණු පිළිබඳව විශේෂ අවධානයක් යොමුව තිබුණා.
එහිදී අනාවරණය වූයේ කොළඹ ප්‍රධාන වාණිජ කලාපයට ආසන්නයේ පිහිටි අමෙරිකානු ඩොලර් බිලියන 1.12ක වටිනාකමකින් යුත් ඉඩම් කොටස් 9ක් මේ වන විට බදු දී ඇති අතර, ඩොලර් බිලියන 1ක වටිනාකමකින් යුත් තවත් ඉඩම් කොටස් 6ක් බදු දීම සඳහා සැලසුම් සකස් කරමින් පවතින බවයි.
ඉරානයට එරෙහිව MOAB බෝම්බය භාවිත කිරීමට අමෙරිකාවේ අවධානය
ඉරානය සමඟ යළිත් යුද මෙහෙයුම් ආරම්භ කිරීමට ජනාධිපති ඩොනල්ඩ් ට්‍රම්ප් නියෝග කළහොත්, ඉරානයේ බලශක්ති යටිතල පහසුකම් සහ න්‍යෂ්ටික මධ්‍යස්ථාන ඉලක්ක කර ගනිමින් අමෙරිකාවේ ප්‍රබලතම සාම්ප්‍රදායික බෝම්බයක් වන Mother of All Bombs භාවිත කිරීමේ සැලසුම් සම්බන්ධයෙන් අමෙරිකානු හමුදාව අවධානය යොමු කර තිබෙනවා.
අමෙරිකානු නිලධාරීන් කිහිපදෙනෙකු උපුටා දක්වමින් CNN පුවත් සේවය මේ බව වාර්තා කළා.
නිෂ්පාදන සහ සේවා ක්‍රියාකාරකම්වල වර්ධනයක්
නිෂ්පාදන අංශයේ ශ්‍රී ලංකා ගැනුම් කළමනාකරුවන්ගේ දර්ශකය 2026 සැප්තැම්බර් මාසයේ දී 53.0ක දර්ශක අගයක් වාර්තා කළ අතර, එය පෙර මාසයේ අගයට සාපේක්ෂව නොවෙනස්ව පැවතිණි. මේ මඟින් සැප්තැම්බර් මාසය තුළ නිෂ්පාදන ක්‍රියාකාරකම් පෙර මාසයට සමාන වේගයකින් වර්ධනය වූ බව පෙන්නුම් කරයි.
සේවා අංශයෙහි ශ්‍රී ලංකා ගැනුම් කළමනාකරුවන්ගේ දර්ශකය, 2026 සැප්තැම්බර් මාසයේදී දර්ශක අගය 60.5ක් වාර්තා කළ අතර, එමඟින් පෙර මාසයට සාපේක්ෂව සේවා අංශයේ ක්‍රියාකාරකම් අඩු වේගයකින් වර්ධනය වූ බව පෙන්නුම් කරයි.
CSE Cash Dividend Announcement Today
| Company | Dividend Per Share | Final / Interim | XD Date | Record Date | Date of Payment | Announcement Date (Open Price / Close Price) |
|---|---|---|---|---|---|---|
| JKH (John Keells) | Rs. 2.50 | First Interim | 2026-08-20 | 2026-08-22 | 2026-09-05 |
2026-08-15
Open: Rs. 180.00 | Close: Rs. 182.50 |
| SAMPATH (Sampath Bank) | Rs. 4.00 | Final | 2026-08-25 | 2026-08-27 | 2026-09-10 |
2026-08-15
Open: Rs. 75.00 | Close: Rs. 76.20 |
